«Семья» нацпроект семӹнь – социальный контракт

«Семья» национальный проект семӹнь Кырык мары районышты государство монгыр гӹц тӹ семнявлӓлӓн лӹмӹн палшык ӹштӓлтеш, кыдывлӓ ӹлӹмӓшӹн нелӹшкӹжӹ вӓрештӹнӹт. Ти национальный проектӹн ик йӧнжӹ – социальный контрактым пингӹдемдӹмӓш. Тӹдӹ семнян ӓль пасна эдемӹн ӹлӹмӓшӹм яжошкыла виктӓрӓш палшышашлык.

Социальный контракт – тидӹ соглашени, кыдым эдем дон Социальный палшыкым пушы центр (Центр мер социальной поддержки) лошты ӹштӓлтеш. Ти соглашени (документ) семӹнь государство вӹкӹжӹ обязательствым социальный палшыкым ӹштӓш нӓлеш, а гражданин (семня) тӹ мероприятивлӓм ӹштен мишӓшлык, кыдывлӓм тӹ контрактышты пӓлемдӹмӹ. Закон доно социальный контрактым нӹл тӹнг направлени доно кычылташ лиэш:

• пӓшӓм кӹчӓлмӓш;
• предпринимательский пӓшӓм ӹштӓш;
• ӹшкӹмӹн подсобный хозяйствым (ЛПХ) видӹмӓш;
• молы мероприятим момаш, кыдывлӓ ӹлӹмӓшӹн нелӹ жепшӹм сӹнген лӓктӓш палшат.

2026 ин 1 январь гӹц 31 май якте Кырык мары районын Центрӹштӹ 26 социальный контрактым пингӹдемдӹмӹ. Районыштына ӹлӹшӹвлӓ техень направленивлӓ доно контрактым ӹштенӹт:

• предпринимательский пӓшӓлӓн (ИП) 12 эдем получаен;
• пӓшӓм кӹчӓлӓш — 7; - ӹшкӹмӹн подсобный хозяйствым (ЛПХ) видӓш — 6;
• нӹлӹмшӹ йишлӓн – 1 эдем.

Тишец каеш: Кырык мары районышты предпринимательский кымылан эдемвлӓ ӹлӓт. «Семья» нацпроект семӹнь палшымаш районышты ӹлӹшӹвлӓл

С. ИЛЬИНА. «Жерӓ» №24 (11003), 11 июнь 2026 ин.