«Герои Марий Эл. Талешке-влак» региональный кадровый программын пӹтӓришӹ выпускниквлӓлӓн – дипломвлӓ

Торжественный обстановкышты специальный военный операцин ветеран дон участниквлӓ, кӱвлӓ образовательный курсым тымень лӓктӹнӹт, регионын Глава Юрий Зайцевӹн кид гӹц «Государственное и муниципальное управление. Герои Марий Эл» профессиональный переподготовкын дипломвлӓм получаенӹт.

«Ти кечӹ мӓмнӓн республикӹштӹнӓ исторический лиэш – мӓ гражданский ӹлӹмӓшкӹ геройвлӓнӓм колтенӓ. Тагачы тӓ тӹдӹвлӓн шеренгӹшкӹ шагалыда, кӱвлӓ республика дон ӹлӹшӹвлӓ верц виштӹм пуаш тӹнгӓлӹт. Властьын органвлӓштӓт, экономикӹштӓт мӓлӓннӓ патриот дон лачокшы пӱэргӹвлӓ керӓл ылыт. Корныштыда анзылтымашвлӓм согоньлем!», – Юрий Зайцев манын.

Россий Федерацин VIII созывын «Единая Россия» парти гӹц Федеральный Собранин Государственный Думын депутат Александр Борисов нӹнӹм шокшын кымылангден.

«Мары Эл Республика анжыкта, кыце Россий Президентӹн специальный военный операцин участник дон ветеранвлӓжӹлӓн палшен шалгымы порученижӹм тӧр ӹштен мимӹлӓ. Тӓ кредӓлмӓштӹ махань цаткыды лимӹм анжыктендӓ, мирный ӹлӹмӓштӓт техеньок лимӹлӓ. Корныда цӓшӓн лижӹ!», – Александр Борисов манын.

Региональный кадровый программын участниквлӓм Мары Эл Республикӹн Государственный Собранин Председатель Михаил Васютин кымылангден.

Республикӹн Главан шанымаш доно 2025 ин февральын тӹнгӓлӓлтшӹ программа «Время героев» федеральный программа ганьы ылын, кыды Российӹн Президент Владимир Путинӹн инициатива доно ӹлӹмӓшкӹ пырен. Ти шанымаш кӱкшӹ квалификациӓн кадрвлӓм йӓмдӹлӹмӹ доно кӹлдӓлтӹн.

Дипломым программым эртӹшӹ 18 участник кидӹшкӹжӹ кычен. Нӹнӹ тыменьмӓшӹм Поволжский государственный технологический университет дӓ РАНХиГС доно иквӓреш ӹштӹмӹ программа семӹнь эртенӹт.

Курс нӹл модуль гӹц ылын, тыменьмӹ жеп 502 цӓш. Программын участниквлӓ государственный управленин системым, экономика дон финансым, региональный дӓ муниципальный управлени гишӓн тыменьӹнӹт.

Каждый участник сага наставник власть органын вуйлатышывлӓ логӹц ылын. Нӹнӹ республикӹн анзылны ылшы предприятивлӓшкӹ, исполнительный властьын органвлӓшкӹ, вузвлӓшкӹ каштыныт, тыменьшӹвлӓ доно мужество уроквлӓштӹ вӓшлиӓлтӹнӹт.

«Герои Марий Эл» кадровый программын участник, Мары Эл Республикӹн спорт министрӹн палшышыжы Андрей Черепанов выпускниквлӓ лӹм доно регионын Главалан тыменьмӓшӹм эртӓрӹмӹлӓн таум келесен.

«Программын каждый этапшым пиш яжон тумаен ӹштӹмӹ, а проектвлӓ лачок республикӹштӹшӹ ӹлӹмӓшӹм яжошкыла вашталтен кердӹт. Мӓ ӹшкӹлӓннӓ наставниквлӓм дӓ ик семӹнь тумайышывлӓм монна. Мӓ тӓмдӓн ӹнянӹмӓшдӓм пӓшӓ доно пингӹдемдӓш шаненӓ», – Андрей Черепанов манын.

Кӹзӹтеш программын шӹм выпускник пӓшӓшкӹ государственный органвлӓшкӹ, муниципалитет дон республиканский организацивлӓшкӹ ушнен. Юрий Зайцев молыланат регионын ӹлӹмӓштӹ керӓл вӓрӹм моаш дӓ Мары Эл дон Россий верц пӓшӓлӹмӹ командышкы ушнаш согоньлен.

Мары Эл Республика Главан Администрацин пресс-службын отдел. «Жерӓ» №24 (11003), 11 июнь 2026 ин.