Мары Элӹн туризм пайдажы – Москван компанивлӓ анзылны

Москван туроператорвлӓн делегаци доно совещаним регионын Глава эртӓрен, «Проектный офис по развитию туризма и гостеприимства Москвы» АНО-н директоржы Анна Нефедова ылеш. Юрий Зайцев республикын туристический отрасль докы внимани улы гишӓн таум келесен.

«Туриствлӓ тӱ сӓндӓлӹквлӓ гӹцӓт толыт, тене пел иштӹ 600 тӹжем утла эдем толын кен. Инфраструктурым виӓнгденӓ, у маршрутвлӓм ӹштенӓ, кого туроператорвлӓ доно кӹлӹм кычаш цаценӓ, анжыкташна шукы улы», - Юрий Зайцев пӓлемден.

Москва, СберАналитика семӹнь, вӹц регион логӹц иктӹжӹ ылеш, кышец туриствлӓ толыт, а Москва областьшы – 6-шы вӓрӹштӹ.

«Мары Эл – изи регион, тыр дӓ молы ганьы агыл. Тидӹ гишӓн Москва гӹц, молы сӓндӓлӹк гӹц туриствлӓ толаш тӹнгӓлӹт», - Анна Нефедова манын.

Туризм сфера Мары Элӹштӹ пӹcӹн виӓнгеш. Регионышты 100 нӓрӹ турагентство дон туроператорский организаци, туриствлӓлӓн пыраш ярал 75 качмы вӓр улы. Нӹнӹ логӹц лушты национальный кухням анжыктен кердӹт, 3,3 тӹжем утла амалаш пырымы номерӹм пуэн кердӹт

Йошкар-Ола якте толаш кӹртнигорны, автобус корны, Казань дон Чебоксарын лишӹл аэропортвлӓ улы, ӹшкӹмнӓнӹм пачаш пӓшӓ пӹсӹн кеӓ.

Совещаништӹ Мары Элӹн туризмӹм виӓнгдӹшӹ Агенствын предствительвлӓ шайыштыныт: Йошкар-Олан, Шереметвӹн замокын, Царевококшайский кремльӹн, «Боги земли Мари» гастрономический этно-мюзиклын дӓ молы туристический программывлӓн презентаци ылын.

Мары Эл Республика Главан Администрацин пресс-службын отдел. «Жерӓ» №41 (10969), 17 октябрь 2025 ин.