СВО-н участниквлӓлӓн – «Герои Марий Эл» регионын кадрвлӓм йӓмдӹлӹмӹ программа

Республикӹн Глава ти программа В.В.Путинӹн тӹнгӓлмӹ доно ӹштӹмӹ «Время героев» программын регионын этапшы ылеш манын.

«Шошым годшен кого пӓшӓм ӹштӹмӹ, седӹндон пӹтӓришӹ группым погымы. Тӓ логӹцдӓ каждыйжы Шачмы мӱлӓндӹлӓн пакылаат служаш йӓмдӹ ылмыдам анжыктен», - Юрий Зайцев манын.

Программын участниквлӓн наставниквлӓштӹ улы – Мары Эл Правительстын, Главан Администраци членвлӓ, властьын эдемвлӓ.

Тенгеок нӹнӹ анзылны шукы наградан СВО-н участник Евгений Чинцов шайыштын, наставникшӹ Нижегородский областьынгубернатор Глеб Никитин ылеш.

«Мирный ӹлӹмӓштӹ ӹшкӹмдӓм анжыктыда. Анзыкыла веле кеӓш согоньлем!», – Евгений Чинцов манын.

«Герои Марий Эл» программа семӹнь цилӓжӹ 190 эдем ядмашым пуэн ылын, нӹнӹ логӹц 19 СВО-н участник 29 сентябрь гӹц 502 цӓшӹм «Сосновый бор»- санатори дӓ Поволжский государственный технологический университет негӹцеш тыменяш тӹнгӓлеш, преподавательвлӓжӹ – РАНХиГС-ӹн.

Региональный кадровый программын ответственный исполнительжӹ –Лидия Батюкова, Мары Эл Республика Главан Администрацин руководитель, эче 14 участник СВО пӹтӹмӹкӹ тыменяш тӹнгӓлеш манын.

Вӓшештӹш шамаквлӓм Павел Попов келесен, кыды Мужество орден, IV степенян Георгиевский Крест, «За отвагу»медаль доно пӓлемдӓлтӹн. Тӹдӹн наставникшӹ регионын Глава лин.

«Техень программым тӹнгӓлмӹ гишӓн мӓмнӓн Верховный главнокомандующийлӓн тау. Российӹн историштӹ вырсывлӓ ылыныт, эчеӓт лит, тидӹ гӹц карангаш ак ли. А вот ти вырсышты участвуйышывлӓ докы отношени сакой йиш ылын. Ти программа анжыкта: СВО-н участниквлӓ докы сек кӱшӹц анжалтыш ылеш», - Павел Попов келесен.

Павел Попов 1986 ин Медведево районын Краснооктябрьский поселкеш шачын. Образованижӹ доно педагог-психолог. 2022 ин ӹшке кымыл доно СВОшкы кен, снайпер-разведчик, отделенин командир ылын, 2023 ин июльын шушырген, инвалид лин.

Мары Эл Республика Главан Администрацин пресс-службын отдел. «Жерӓ» №41 (10969), 17 октябрь 2025 ин.