Заседаништӹ – СВО-н участник дон семнявлӓштӹ гишӓн

Мары Элӹн Глава ПФОшты Россий Президентӹн полномочный представитель сагашы Советӹн заседаништӹ участвуен.

«ПФО-н цилӓ регионышты «Время героев» программым тӹнгӓлмӹ, финалышкы вӓрештшӹвлӓм пӓлемдӹмӹ – 1088 эдем, нӹнӹ логӹц 645 эдем очно тыменеш лиэш, 443 военнослужащий кӹзӹтеш тырхалеш. СВО-н участниквлӓ тенгеок политический ӹлӹмӓштӹ активный ылыт. 60 ветеран махань-шон кӱкшӹцӹштӹ законодательный дӓ представительный органвлӓшкӹ айырымы ылын», - Игорь Комаров пӓлемден.

Мары Элӹштӹ «Герои Марий Эл. Талешке-влак» кадровый программым ӹштӹмӹ. Уже сентябрьын 19 ветеран тыменяш тӹнгӓлеш. Нӹнӹ госуправлени дон бизнесӹштӹ пӓшӓлӓш пӓлӹмӓшӹм нӓлӹт, а вара пӓшӓшкӹ пыртымы лит.

Мары Элӹштӹ Юрий Зайцевӹн тӹнгӓлтӹш доно военнослужащий дон семнявлӓштӹлӓн 50 йиш нӓрӹ палшымаш йӧн кычылталтеш.

Тенгеок Советӹн заседаништӹ «Защитники Отечества» Госфондын филиалвлӓжӹ военнослужащийвлӓлӓн социальный адаптациштӹлӓн палшымым пӓлемдӹмӹ. Республикӹштӹ фонд СВО-н участниквлӓлӓн тӧрлӓнӹмӓштӹ, пӓшӓшкӹ пырымашты дӓ бытовой ядмашвлӓштӹ палшыкым пуа. «Защитники Отечества» фондын тӹнгӓлтӹш доно следж-хоккей доно командым цымырымы.

Тенгеок «За Марий Эл» благотворительный фонд улы, кыды гуманитарный палшыкым передовойышкы пога дӓ нӓнген миӓ.

Мары Эл Республика Главан Администрацин пресс-службын отдел. «Жерӓ» №32 (10960), 15 август 2025 ин.