Советӹн заседаништӹ – пӓшӓштӹ ылшы сӓмӹрӹквлӓлӓн палшымы йӧнвлӓ гишӓн

ПФО-шты Россий Президентӹн полномочный представитель сагашы Советӹн заседаништӹ пӓшӓштӹ ылшы сӓмӹрӹквлӓлӓн палшымы йӧнвлӓ гишӓн ланзыленӹт.

Мары Элӹштӹ пӓшӓм ӹштӹшӹ сӓмӹрӹквлӓ цымыр халыкын 18% нӓрӹ ылеш. Мары Элӹн Глава заседаништӹ участвуен. Тӹдӹ ик гӓнӓ агыл сӓмӹрӹк специалиствлӓлӓн профессиштӹ доно пакыла айыртемӓлтӓш палшаш йӧнвлӓм ӹштӓш келеш манын.

Мары Элӹштӹ Правительство икманяр йӧнӹм кычылтеш: изи дӓ икпоратка бизнес сферӹштӹ 2024 ин 70 предпринимательлӓн консультационный, образовательный, информационный палшымашым ӹштӹмӹ, льготный микрозаймвлӓм пумы.

Республикеш сӓмӹрӹквлӓ ӹлӓш кодышты манын, махань-шон сферӹштӹ наставничество программа улы: здравоохранени, промышленность дӓ молышты. «Земский учитель» программа семӹнь 37 сӓмӹрӹк специалист пособим получаен, цымырын анжымашты 9 млн тӓнгӓм тидӹлӓн кычылтмы.

Солашты ӹлӓш дӓ пӓшӓшкӹ пыраш шанышывлӓлӓн ик гӓнӓ тӱлӹмӹ пособи тӱлӓлтеш.

Республикӹштӹ 1968 и годшен Олык Ипай лӹмӓн Государственный преми улы, кыдым 160 утла нӓрӹ эдем получаен. Сӓмӹрӹк ученый, исследователь дӓ инноваторвлӓлӓн Мары Эл Республика Главан грантвлӓм пуэнӓ. 2023 и годшен 10 сӓмӹрӹк эдемлӓн тӹдӹм кычыктымы, 20 сӓмӹрӹк предпринимательлӓн пумы. 2024 ин – кудытлан.

Сӓмӹрӹк эдемвлӓ спорт дӓ культурный махань-шон мероприятивлӓштӹ участвуят: пӓшӓ коллективвлӓн спартакиадывлӓ, «Кубок рабочей молодежи» КВН, «Кубок мэра», «А ну-ка, девушки» конкурс дӓ молы. «МолоТ» (Молодежный труд) ПФО-н общественный проектӹн регионын этапышты 150 нӓрӹ сӓмӹрӹк специалист участвуя, кыды республикӹн вӹц предприятим уша.

Программышты мини-футбол, волейбол, кыргыжмаш-эстафета, теннис, шахмат, «Городки» мадмаш, спортивный ориентировани доно тӓнгӓшӹмӓшвлӓ улы. Сӓмӹрӹк пӓшӓзӹвлӓн мероприятивлӓ Сӓмӹрӹквлӓн дворецӹштӹ, «Авангард» военно-патриотический воспитани Центрӹн спорт вӓрвлӓштӹ эртӓрӓлтӹт.

Мары Эл Республика Главан Администрацин пресс-службын отдел. «Жерӓ» №32 (10960), 15 август 2025 ин.