Мары Элӹштӹ индивидуальный программывлӓн сек тӹнгжӹм пӓлемдӹмӹ

Министр Максим Решетников Йошкар-Олашты совещаним эртӓрен, а пӹтӓрижӹ регионын Глава Юрий Зайцев доно вӓшлиӓлтӹн.

«2025 ин 2.0 индивидуальный программым ӹлӹмӓшкӹ яжон пырташ тӹнгӓлмӹ. Тидӹлӓн экономикӹн сек керӓл отрасльвлӓлӓн палшык льготный займ дон субсиди гач лиэш, туризм сферӹм виӓнгдӓш причал лишнӹ инфраструктурым ӹштӹмӹлӓ», - Юрий Зайцев манын.

Келшӹмӓш Томашты эртӓрӓлтшӹ совещаништӹ РФ-ын 10 субъект гӹц ылыныт. Юрий Зайцев республикӹн социально-экономический виӓнгмӹ индивидуальный программывлӓм (ИПР) ӹлӹмӓшкӹ пыртымы гишӓн докладым ӹштен.

Максим Решетников Мары Элӹн опытшым примереш шотлен, кыце индивидуальный программывлӓм кычылтмаш инфраструктурым ӹштӹмӹ гӹц тӹнгӓлӹн, производственный проектвлӓм кымдаэмдӹмӹ якте ӹштӓш палша.

Регионышты 5 млрд тӓнгӓм кычылтмы, 125 инвестиционный проектӹм ӹлӹмӓшкӹ пыртымы, частный инвестици 8,6 млрд тӓнгӓм пиштен, 1,3 тӹжем пӓшӓ вӓрӹм ӹштӹмӹ, 1,3 млрд тӓнгӓ налог утыдон погынен. 15 кого инфраструктурный объектӹм ӹштӹмӹ. Пӓшӓдӹмӹвлӓн шот кым гӓнӓ чӹдемӹн.

2030-шы иэш 100 утла инвестиционный проектӹм ӹлӹмӓшкӹ пыртымыла, 900 нӓрӹ пӓшӓ вӓр лишӓшлык.

Мары Эл Республика Главан Администрацин пресс-службын отдел. «Жерӓ» №47 (10975), 28 ноябрь 2025 ин.