Мары Элӹн Глава СВО-н ветеранвлӓлӓн – сыравачвлӓм

Кок у «Москвич» хоза специальный военный операцин участниквлӓ линӹт: Мары Элӹн Кырык мары район гӹц Мужество орденӓн кавалер Андрей Зубков дӓ Медведево район гӹц Алексей Протасевич.

Юрий Зайцев «Защитники Отечества» фонд гӹц пумы автомобильвлӓ СВОшты шушыргышы ветеранвлӓлӓн ӹлӹмӹ йӧнвлӓштӹм куштылемдӓт манын.

«Тӓлӓндӓ тидӹ транспорт веле агыл, йӓл доно тӧр ӹлӹмӓшкӹ кандышы яжо палшык. Тӓ сӓндӓлӹклӓн шукым ӹштендӓ, Родиным перегӹмӹ верц шулыкдам пуэнда. Республикӹн цилӓ эдем тӓ донда когоэшнӓ, пакылажат СВО-н участниквлӓлӓн палшаш тӹнгӓлӹнӓ», – Юрий Зайцев манын.

Техень шушыргышы ветеранвлӓлӓн йори лыкмы автомобильвлӓм пуаш тӹнгӓлтӹш шанымаш Россий оборона министрын заместительжӹ Анна Цивилева гӹц шошым 2024 ин лӓктӹн, кынам Президент В.Путин доно пӓшӓ доно вӓшлимӓш ылын.

Ноябрьын 2025 ин Мары Элӹн «Защитники Отечества» фонд пӹтӓришӹ автомобильӹм Николай Глуховлан, шукы тетяӓн ӓтялӓн, пуэн.

Республикӹштӹ Мары Элӹн Главан шанымаш доно Мары политехнический техникумышты ветеранвлӓм автомобильӹм кид доно виктӓрӓш тыменьмӹ курсвлӓм пачмы. Тӹштӹ 11 эдем тымень лӓктӹн, кымыт правам кидӹшкӹжӹ кычен.

Отечества» фондын филиал вуйлатышы Ренат Магсумов Юрий Зайцевлӓн таум келесен.

Сӓндӓлӹк мычкы фонд цилӓжӹ 500 автомобильӹм пуэн. Кӹзӹт автопроизводительвлӓ коляскым машинӓ вӹкӹ кузыктымы механизмӹм ӹштӹмӹ гишӓн шанат.

«Защитники Отечества» Государственный фондым Российӹн Президент Владимир Путинӹн Указ доно каждый ветеран дӓ семняжӹ верц шытырланымы шанымаш доно ӹштӹмӹ: реабилитаци, пӓшӓ вӓрӹм пумаш, юридический палшык дӓ ӹлӹмӹ

Мары Эл Республика Главан Администрацин пресс-службын отдел. «Жерӓ» №21 (11000), 22 май 2026 ин.