АПК-н анзыкыла виӓнгмӹжӹ гишӓн

Мары Элӹн Глава Юрий Зайцев сола хозяйство дӓ продовольствин министр Павел Раевский доно вӓшлиӓлтӹн. Тӹштӹ агропромышленный комплексӹн 2025 иӓш пӓшӓжӹ дӓ сола хозяйствын анзыкылашыжы гишӓн шайыштыныт.

Юрий Зайцев сола хозяйствын республикӹлӓн пиш керӓл ылмыжым пӓлемден, кыды 13,6% ӹштӓ.

«2025 ин отрасльышты яжо пӓшӓм анжыктымы, но эче кӱшкӹрӓк шоаш вӓр улы. Сек пӹтӓриок, пӹрцӓн культурывлӓм погымашым 450 тӹжем тонн якте шокташ келеш. Тидӹм кыралмы агыл мӱлӓндӹм кычылтмы доно ӹштӹмӹлӓ. Тенгеок вольык вуйым шукемдӹмӹлӓ, тенге шӹшер приваялтеш.
«Ныр гӹц лапка якте» принцип доно пӓшӓлӹшӹ сельхозпредприяти шотым шукемдӹмӹлӓ», - республикӹн Глава манын.

Павел Раевский ти пӓшӓштӹ тӹнг корнывлӓм пӓлемден: 2030 и якте 450 тӹжем тонным и йӹде получаяш манын, киндӹ лӓктӹш 27,5 ц\га ылеш гӹнь, 25,5 тӹжем га кыралдымы мӱлӓндӹм кычылтмыла. Роколман лӓктӹшӹм 243 тӹжем тонн дӓ кавштавичӹ хӓдӹрӹм 150 тӹжем тонн якте шоктымыла.

Шӹшерӹм шукемдӓш планышты ылеш: 2030 иэш 253 тонн якте шокташ, АПК-н продукцим выжалымы вӓрӹм ӧрдӹжтӓт шукемдӹмӹлӓ.

Сола хозяйствылан кушкашыжы цилӓ йӧн улы, финансировани 2021 и годшен 3,8 гӓнӓ шукемӹн, 22 агроклассым пачмы, цифр технологи ӹлӹмӓшкӹ пыра.

Мары Эл Республика Главан Администрацин пресс-службын отдел. «Жерӓ» №50 (10978), 19 декабрь 2025 ин.