Юрий Зайцев: «Соцконтракт – ӹлӹмӓшӹм яжоэмдӓш керӓл йӧн»

Заседаништӹ тенгеок соцконтракт негӹцеш государствын палшыкым 8 тӹлзӹ лошты пумы гишӓн иктешленӹт. 913 ядмаш семӹнь соцконтрактым ӹштӹмӹ.

Республикӹн Глава Юрий Зайцев халык лошты техень йӧнӹн керӓл ылмыжым пӓлемден.

«Социальный контракт предпринимательствым виӓнгдӓш дӓ у пӓшӓ вӓрвлӓм пачаш палша. Мӓлӓннӓ яжо, кынам пӓшӓм кӹчӓлшӹ ӹшке делажым тӹнгӓл кердеш, ӹлӹмӓшӹжӹм вашталтынежӹ», - регионын Глава манын.

Пӓшӓ дӓ социальный палшыкын министр Елена Таникован шамак семӹнь, 2025 ин 1 сентябреш 372 контрактым «Поиск работы» мероприяти семӹнь ӹштӹмӹ (41 процент), тидӹ эдемвлӓн пӓшӓм моаш цацымыштым анжыкта. Ти мероприяти семӹнь тӹлзӹ йӹде 17 009 тӓнгӓм кидӹшкӹ нӓлӹт.

«Осуществление индивидуальной предпринимательской деятельности» мероприяти семӹнь 390 контрактым (43 процента) пингӹдемдӹмӹ, тидӹлӓн 350 тӹжем тӓнгӓм ӹшке делам пачаш пуат.

«Ведение личного подсобного хозяйства» мероприяти семӹнь 43 контракт (5 процент), «Осуществление иных мероприятий, направленных на преодоление трудной жизненной ситуации» – 108 контракт (11 процент).

Шукы контрактым «красота» сферӹлӓн пумы. Яжо иктешлӹмӓшӹм сола хозяйствышты ӹштӓш келеш. Паснаок Кырык мары районышты кавштавичӹ хӓдӹрвлӓм куштымы пӓшӓлӓн соцконтрактым ӹштӹмӹм пӓлемденӹт.

Республикӹштӹ СВО гӹц толшылан дӓ семняштӹлӓн соцконтракт пумы пашӓ виӓнгеш.

Соцконтракт государствын палшыкым пумы ик яжо йӧн ылеш.

Мары Эл Республика Главан Администрацин пресс-службын отдел. «Жерӓ» №39 (10967), 3 октябрь 2025 ин.