Республикӹн Правительствын заседаништӹ

Заседаништӹ тыл гӹц перегӓлтмӹ жеп, кӓнгӹжшӹ кӓнӹмӹ-тӧрлӓнӹмӓш дӓ 2025 ин солан ныр пӓшӓжӹм иктешлӹмӹ.

Заседаним реcпубликӹн Глава Юрий Зайцев эртӓрен, кыды оксам керӓл вӓрӹшкӹ колтымым дӓ кыце кычылт шоктымым эдемвлӓ ужышты манын попен.

«И мычкы пӓшӓм кыце ӹштӹмӹ социально-экономический планым темен шоктымы гӹц каеш», – регионын Глава пӓлемден.

Республикӹн министр Алексей Киселев 26 шӹргӹ пожар ылын манын (2024 ин– 61пожар).

Кӓнгӹжшӹ шулык тӧрлӹмӹ кампани гач 27 тӹжем утла тетя кӓнен, тӹ шотышты Куйбышевский районын Запорожье гӹц, 8 % шукырак. Регионышты цилӓжӹ 207 организаци тетявлӓн кӓнӹмӓшӹм эртӓрен, а оксажы 320 млн тӓнгӓ керӓл лин.

Техень кӓнӹмӓшӹм «Восстановление и развитие до 2030 года в субъектах РФ организаций отдыха детей и их оздоровления» федеральный программа семӹнь эртӓрӓш яжо йӧн ылын.

Ныр пӓшӓ гишӓн иктешлӹмӓшӹм сола хозяйство дӓ продовольствин министр Павел Раевский ӹштен. Тене 168 тӹжем гектарышты кавштавичӹ хӓдӹрӹм цымырымы, 140 гектаржы – пӹрцӓн культура, 230 тӹжем тонн роколма дӓ 143 тӹжем тонн кавшта дӓ молат.

Телеш вольыклан 870 тӹжем тонн качкышым йӓмдӹлӹмӹ, тидӹ имешшӹ доно тӓнгӓштӓрӹмӓштӹ 192 тӹжем тоннеш шукырак, тидӹжӹ нырвлӓм кымдаэмдӹмӹ доно кӹлдӓлтӹн. 596 единица техникӹм государствын палшымы доно нӓлмӹ.

Кӹзӹт 2026 ин шошымеш йӓмдӹлӓлтмӹ пӓшӓ ӹштӓлтеш.

Мары Эл Республика Главан Администрацин пресс-службын отдел. «Жерӓ» №49 (10977), 12 декабрь 2025 ин.