«Профессионалы» чемпионатын сӹнгӹшӹвлӓм пӓлемдӹмӹ

Йошкар-Олашты Сӓмӹрӹквлӓн дворецӹштӹ торжественный кымылангдымаш эртӓрӓлтӹн, кышты регионын Глава ылын.

«Мары Элӹн Правительство колледж дон техникумвлӓн материально-техническийй базым и йӹде яжоэмденок миӓ. Мӓ яжон тыменьшӹ студент дон наставниквлӓм шотеш пиштенӓ. Студентвлӓ техень технологивлӓм пӓлен нӓлӹт, кыдывлӓ иргодым пиш керӓл лит. Конкурсвлӓ тенге ӹштӹмӹ ылыт, кыды семӹнь нӹнӹ предприятивлӓлӓн келшен толыт. Тенге каждый выпускник кӱкшӹ технологиӓн производствышты пӓшӓлӓш йӓмдӹ лижӹ», – Юрий Зайцев манын.

Мероприяти годым Юрий Зайцев автомобиль йиш техникӹм дӓ «Мастер лесного дела», «Управление экскаватором», «Поварское дело», «Кондитерское дело», «Ресторанный сервис» компетенци доно эртӓрӹмӹ конкурсвлӓн площадкывлӓм анжал лӓктӹн.

«Профессионалы» чемпионатын региональный этап 2026 ин 26 гӹц 30 январь якте 65 компетенци доно эртӓрӓлтӹн. Чемпионатышты 312 студент дӓ 35 школьник участвуен. Кокшы гӓнӓ конкурсышты союзный государство – Беларусь Республика гӹц «Мастер лесного дела» компетенци доно участвуенӹт.

Конкурсын площадкывлӓ Йошкар-Олан, Волжскын, Козьмодемьянскын, Медведево дӓ Оршанка поселкывлӓн, Красный Яр дӓ Вятское солавлӓн 16 колледж дон техникумышты ылыныт. Заданивлӓм пумашты дӓ ӓклӹмӓштӹ предприятивлӓ участвуенӹт. 2026 ин 75 предприяти соревнованин участниквлӓлӓн стажировкым эртӓш 275 местӓм пуэн.

Региональный этапышты сӹнгӹшӹвлӓ Мары Элӹн цымыр командышкы пырат, кыдывлӓ регионвлӓ лошты эртӓрӹмӓштӹ апрельӹн лит.

Юрий Зайцев сӹнгӹшӹвлӓм кымылангден.

Ти конкурс «Молодежь и дети» национальный проектӹн «Профессионалитет» федеральный проект семӹнь эртӓрӓлтеш.

Мары Эл Республика Главан Администрацин пресс-службын отдел. «Жерӓ» №6 (10985), 6 февраль 2026 ин.