Мары Элӹштӹ СВО-н ветеранвлӓн Ассоциацин I Конференци эртӓрӓлтӹн
Мероприяти Келшӹмӓш Томашкы 90 нӓрӹ участникӹм поген.
Организацим «Защитники Отечества» Государственный фондын филиал негӹцеш ӹштӹмӹ, кыды спецоперацин боецвлӓн семнявлӓлӓн палша дӓ техень йӧнвлӓм шукемдӓ, сӓмӹрӹквлӓ лошты патриот шӱлӹшӹм шӓрӓ.
Регионын штаб имештӹ сентябрьын пӓшӓжӹм тӹнгӓлӹн.
Конференцин участниквлӓ анзылны регионын Глава Юрий Зайцев кымылангдымы шамаквлӓм келесен.
«Сек керӓл, ма тӓмдӓм уша – тидӹ боевой братство. Тӹдӹвлӓн братство, кӱвлӓ погонан ылыда, кӱвлӓ оружи кидӓ Родинӹм перегедӓ, кувлӓн государственный наградывлӓ доно кашташ правашты улы. Мӓмнӓн боецвлӓ – сӓндӓлӹкнӓн тӹнг пайдажы, мӓ нӹнӹн ӹнян тӹкӹштӹ ылына. Россий – пиш кого держава, цилӓ ӹштенӓ, тенге геройвлӓ рӓдӹштӹ нӹнӹ ӹшкетӹштӹ агылеп. Нӹнӹн подвигӹштӹ - мӓмнӓн когоэшнӹмӓшнӓ, нӹнӹн виштӹ – иргодшы кечӹлӓннӓ пыт ӹнянӹмӓш», - Мары Элӹн Глава манын.
Тенгеок тӹдӹ республикӹштӹ «Герои Марий Эл. Талешке-влак» проектӹм ӹлӹмӓшкӹ пырымы гишӓн ӓшӹндӓрен пуэн, кыдым Российӹн Президент Владимир Владимирович Путин тӹнгӓлӹн.
Конференциштӹ Ассоциацин исполнительный директор Дмитрий Афанасьев участвуен.
«СВО-н ветеранвлӓн Ассоциаци – тидӹ ветеранвлӓ гишӓн, кӱвлӓ ӹшке пӓшӓштӹ доно тӓнгвлӓштӹлӓн палшат. Тидӹ профсоюз ганьы, кыды ветеранвлӓн праваштым ӹшӹклӓ. Спецоперацин участниквлӓ – сӓмӹрӹквлӓм тымдышы виӓн институт. Тӓ логӹцдӓ шукынжы ӹнян шамакым кычен мыштат, тидӹм керӓл корны доно колтымыла», - Дмитрий Афанасьев манын.
Мары Эл Республикӹн СВО-н ветеранвлӓн Ассоциациштӹ 80 участник шотлалтеш. Тӹдӹм спецоперацин ветеран, доброволец, десантник Григорий Кузнецов вуйлата. Тӹдӹ организацин пӓшӓжӹ гишӓн попен дӓ республикӹн вуйлатышывлӓлӓн Боевой действин ветеранвлӓн кечӹ празньыкым увертӓрӹмӹ гишӓн таум келесен. Конференци мычашты ассоциацин членвлӓлӓн удостовереним, значок дон шевронвлӓм кычыктен.
Мероприятиштӹ Юрий Зайцевлӓн военнослужащийвлӓ ӹшке кидӹштӹ доно ӹштӹмӹ СВО-лан толкеш толшы памятный композицим подаренӹт, тидӹ фронт дон тыллан палшымы лӹмеш ылеш.
Юрий Зайцевӹн шамак семӹнь, республикӹштӹ палшыкым пумы йиш раскыдыды система улы, тиды 50 утла йиш палшымы йӧнвлӓ.
Мары Эл Республика Главан Администрацин пресс-службын отдел. «Жерӓ» №31 (10959), 8 август 2025 ин.