Мары Элӹштӹ национальный проектвлӓ ӹлӹмӓшкӹ пӹсӹн пырат

Мары Эл Республикӹн промышленность, экономический виӓнгмӓш дӓ торговльын министр Владимир Халюзин регионын Главалан ӹндекш тӹлзӹ лошты национальный проектвлӓ кыце ӹштӓлт мимӹ гишӓн шаям кычен, пумы оксам кычылтмаш кӹзӹтеш 70% ылеш манын.

Юрий Зайцев нацпроектвлӓлӓн федеральный финансировани – тидӹ республикӹштӹшӹ ӹлӹмӓшӹм яжоэмдӹмӹ сек ӹнян йӧн манын.

«Российӹн Президент Владимир Владимирович Путин эдемвлӓ пӓшӓн лӓктӹшӹм тӹштӹ ужшашлык ылыт, кышты ӹлӓт манын. У корны, современный медицинский оборудовани, уэмдӹмӹ тетя сад – Мары Элӹн дӓ эдемвлӓн ӹлӹмӓш яжошкыла вашталтмашкы пӓшӓм ӹштӹмӓш», - республикӹн Глава пӓлемден.

2025-шӹ ин Мары Эл 12 национальный проектӹштӹ участвуя, нӹнӹлӓн финансировани 12,6 миллиард тӓнгӓӓш ылеш, тӹшец 8,2 миллиард – федеральный бюджет гӹц.

Ӹндекш тӹлзӹ лошты республика сек керӓл сферӹвлӓштӹ шукы пӓшӓм ӹштен: Мари-Турек район дон Волжскышты тетя садым уэмден тӧлӹмӹ, республика мычкы 10 зданим 9 школышты, Йошкар-Одашты строительный техникумын общежитим, Звенигово районышты искусство тетя школым, Козьмодемьянскышты модельный библиотекӹм, 52 общественный вӓрӹм дӓ кудывичӹм.

И пӹтӹмешкӹ эче всероссийский конкурсышты сӹнгӹшӹ кым объектӹм, Немда дон Ексейка ӓнгӹрвлӓ гач кок кӹверӹм тӧрлен шоктымыла, Козьмодемьянскышты вӹд ситӓрӹмӹ гишӓн ядмашым раскыдемдӹмӹлӓ.

Регионын Глава национальный проектвлӓм ӹлӹмӓшкӹ пыртымаш Мары Элӹштӹ ӹлӹшӹвлӓ дӓ Россий Федерацин Президент анзылны пиш кого ответственность манын.

Мары Эл Республика Главан Администрацин пресс-службын отдел. «Жерӓ» №43 (10971), 31 октябрь 2025 ин.