Мары Элӹн Правительство пел иӓш пӓшӓм раскыдемден

Мары Элӹн Глава совещаним эртӓрен, кышты республикӹн социальноэкономический виӓнгмӹ государственный программывлӓм, национальный проектвлӓм, индивидуальный программывлӓм ӹлӹмӓшкӹ пыртымым икшӹ пел иӓш семӹнь ланзыленӹт.

ИПР семӹнь ӹштӹмӹ пӓшӓ лӓктӹшӓн лин. Тене социально-экономический виӓнгмӓшӹн у индивидуальный программа (ИПР) 2030 и якте тӹнгӓлӓлтӹн.

«Сӓндӓлӹкӹн Президент Владимир Владимирович Путинӹн программым пакыла виӓнгдӹмӹ семӹнь мӓмнӓн регион угӹц палшыкым нӓлӹн. Тенге сола хозяйствым виӓнгдӓш, тенгеок промышленность дон туризмӹм виӓнгдӓш йӧнвлӓ линӹт», - регионын Глава пӓлемден.

Программым ӹштен шоктымы гишӓн Юрий Зайцевлӓн промышленность, экономический виӓнгмӓш дӓ торговльын министр Владимир Халюзин увертӓрен.

Тӹдӹн келесӹмӹ семӹнь, цилӓ керӓллӓн тагачы кечеш 850 млн тӓнгӓ нӓрӹм айырен пумы - 100 %.

Тене организацивлӓлӓн, кыдывлӓ инвестиционный проектвлӓм кычылтыт, 11 субсидим кавштавичӹ хӓдӹрвлӓм куштышывлӓлӓн пумы. Ти пӓшӓвлӓлӓн 400 млн тӓнгӓ нӓрӹм айырымы, 10 пӓшӓ вӓрӹм ӹштӹмӹ.

Туризмӹм виӓнгдӓш Йӱрнӹштӹ причалым ӹштӓш контрактым пингӹдемдӹмӹ, кыдым 2027 ин декабрьын ходышкы колтымыла.

Мары Элӹн Глава индивидуальный программывлӓн ӹштӓлт шоктымыштым паснаок тӹшлӓш келеш манын.

Мары Эл Республика Главан Администрацин пресс-службын отдел. «Жерӓ» №33 (10961), 22 август 2025 ин.