Мары Эл гӹц делегаци – Беларусь Республикӹштӹ

«Иннопром» Международный промышленный выставкым Беларусь Республикӹн дӓ РФ-н Промышленность Министерство эртӓренӹт.

Мары Элӹн делегацим Юрий Зайцев вуйлатен.

Беларусь Мары Элӹн тӹнг торгово-экономический партнервлӓжӹ логӹц иктӹжӹ ылеш. Имештӹ внешнеторговый оборот 25 процент утлаэш когоэмӹн, хадӹрвлӓм выжалымаш – 32%.

Вӓшлимӓш дон хытырен келшӹмӓш мӓмнӓн регионын производитель дон белорусский кого компанивлӓ доно ылын, предприятивлӓн техникӹм, оборудованим, система дон компонентвлӓм кандымы план гишӓн шайыштыныт.

Выставкышты участвуйымаш Мары Элӹн предпринимательвлӓлӓн у рынкышкы лӓктӓш палша.

Минскӹштӹ выставка годым Поволжский государственный технологический университет дон Информатика дӓ радиоэлектроникын Белорусский государственный университет лошты пашӓ доно келшӹмӓш документеш кидӹм пиштенӹт.

Мары Элӹн Глава вузвлӓ лоштышы келшен пӓшӓлӹмӓшӹм яжо семӹнь ӓклен, вет республикӹштӹ тӹдӹн шанымаш доно радиоэлектронный промышленностьын кластерӹм ӹштӹмӹ.

«Тидӹ республикӹн социально-экономический виӓнгмӓштӹжӹ яжо ашкыл лиэш. ПГТУ гач кластерӹм ӹштӓш республикӹшкӹ у компетенцивлӓм Белорусин вуз гӹц канденӓ», - Юрий Зайцев манын.

Белорусский государственный университетӹштӹ 16 тӹжем студент тыменеш.

ПГТУ-лан БГУИР доно иквӓреш пӓшӓлӹмӓш конференци, симпозиум, научный журналвлӓштӹ иквӓреш участвуяш корным пачеш.

Мары Эл Республика Главан Администрацин пресс-службын отдел. «Жерӓ» №40 (10968), 10 октябрь 2025 ин.