Йошкар-Олашты – туристический у арт-объект

«Нулевой километр» архитектурын объект республикӹн Советская ӧлицӓэш шагалтымы. Тӹдӹ Йошкар-Олан административный дон географический ӹрдӹ ылмым анжыкта.

Мары Эл Республикӹн Глава Юрий Зайцев художественный композицим анжал лӓктӹн дӓ у «Нулевой километр» столицӹн цевер вӓржӹ лиэш дӓ регион дон хынавлӓм ӹшке докыжы погаш тӹнгӓлеш манын.

«Ти арт-объект тӹнгӓлтӹш лиэш, кышец кытым вес хала дон солавлӓшкӹ шотлымыла. Эче пишок керӓл вӓреш шагалтымы – Главпочтамт сага, вет кӹзӹтшӹ жепӹнӓт почта сек керӓл ылеш», - Юрий Зайцев манын.

Мероприятиштӹ тенгеок Государственный Собранин Председатель Михаил Васютин, республика Правительство Председательӹн икшӹ заместитель Дмитрий Троицкий, министр Константин Иванов участвуенӹт.

У композици тангыжын маяк ганьы, почта мӓнгӹ ылеш, кышты Россий Почтын гербшым дӓ Российӹн дон Мары Элӹн лу халашкы указательӹм вӓрӓнгдӹмӹ. Маякын сек кӱшнӹжӹ светодиодный свет улы. Ти шанымашым 2020 ин лыкмы дӓ РМЭ-н федеральный почта службын Управлени, «Почта России» АО-н филиал ӹлӹмӓшкӹ пыртенӹт.

Мары Элӹн УФПС регионышты керӓл ылеш, 69 тӹжем пенсионерӹм сагажы ушен, вӹц почтамт улы, 257 почта отделени, нӹнӹ лошты 193 солашты, Мары Элӹн филиал 2024 ин 15-шӹ вӓрӹм 86 филиал лошты йӓшнӓ.

Юрий Зайцев сотрудниквлӓлӓн таум келесен дӓ наградывлӓм пуэн, Тау шамаквлӓм кыченӹт: Светлана Балбышева, Надежда Белякова, Зинаида Богатырева, Раиса Короткова дӓ Наталья Сидоркина.

Мары Эл Республика Главан Администрацин пресс-службын отдел. «Жерӓ» №38 (10966), 26 сентябрь 2025 ин.